Hilton Reykjavík Spa opnar vef

Allir vita að það þýðir ekkert að hlaupa frá vandamálunum, en það er hins vegar mun gáfulegra að njóta þess að skokka á hlaupabretti, slappa af í gufu eða fara í hressandi tíma í Hot Yoga, ButLift eða Zumba! Þetta býður Hilton Reykjavík Spa, en hótelið tók nýverið yfir reksturinn, sem er núna samofinn hótelinu sjálfu.

Nýr vefur þessarar vellíðunarmiðstöðvar innan Hilton hótelsins á Suðurlandsbraut leggur áherslu á auðvelt aðgengi upplýsinga um heilsulindina, líkamsræktina og tíma sem eru í boði jafnt fyrir gesti hótelsins sem íbúa borgarinnar.

Vefurinn skartar nokkuð nýstárlegu leiðarkerfi sem helst vinstra megin, en slíkt leiðarkerfi hefur rutt sér til rúms upp á síðkastið í kjölfar vinsælda á farsímavefjum.

Vefur Hilton Reykjavík Spa er enn einn vefurinn sem við smíðum fyrir Icelandair hótelin sem reka Hilton Reykjavík Nordica hótelið ásamt Icelandair hótelunum, Edduhótelunum og Laugarvatn Fontana heilsulindarinnar.