Fyrirtækið var stofnað þann 9. september 2003. Starfsmenn Stefnu eru rúmlega 20 í dag og hefur fyrirtækið náð góðum árangri með vefumsjónarkerfið Moya, veflausnarforritið Matartorg og hin ýmsu bókunarkerfi. Stefna lagði frá upphafi áherslu á víðtæka þjónustu á sviði upplýsingatækni og hugbúnaðarþróunar á sviði veflausna. Auk þess rak það Tölvuskólann Stefnu. Í dag einbeitir það sér eingöngu að hönnun, þróun og sölu á hugbúnaði.

Starfsmenn Stefnu koma úr öllum áttum tölvugeirans og hefur það átt stóran þátt í hve vel hefur tekist upp við þróun og sölu á vefumsjónarkerfinu Moya. Frá upphafi hefur Stefna keppt að því að vinna sér inn traust viðskiptavina sinna með áreiðanleika, þjónustulund og hugvitssömum lausnum á vandamálum. Stefna hefur unnið að fjölmörgum sérlausnum fyrir fyrirtæki og stofnanir og veitt ráðgjöf um rekstur upplýsingakerfa, tekið þátt í alþjóðlegum verkefnum en hugsar fyrst og fremst um persónulega og vandaða þjónustu fyrir alla viðskiptavini sína.

Reynsla og þekking starfsmanna hefur orðið til þess að Stefna er rótgróið fyrirtæki með marga öfluga og hliðholla viðskiptavini. Einkenni Stefnu eru persónuleg og góð þjónusta, vönduð vinnubrögð og við vinnum hratt og vel að úrlausnum vandamála.

Í dag er Stefna með tvær starfstöðvar; í Glerárgötu 34 (4. hæð), 600 Akureyri og í Hamraborg 1 (4. hæð), 200 Kópavogi.

Kennitala Stefnu ehf: 5209032750
D&B DUNS Number: 64-706-9553