Á starfsdegi Stefnu í vor skoðuðum við fjölmargt skemmtilegt. Fróðleiksfýsn var svalað í grúski og hakki (af betri gerðinni) í fjölbreyttum efnisflokkum.
Meðal þess sem við grúskuðum í var gervigreind og möguleg nýting hennar í okkar störfum. Út úr því komu alls konar pælingar og til gamans deilum við hér broti af því besta.
Við gerðum m.a. tilraunir með verkfæri sem smíðar auglýsingar á aðeins nokkrum sekúndum með aðstoð gervigreindar. Um er að ræða tækni sem:
- les tiltekna vefsíðu
- smíðar texta
- útbýr myndband út frá efninu sem þar er að finna.
En virkar þetta?
Gervigreind framleiðir auglýsingar
Hægt er að stilla nokkrar breytur:
- Tungumál (íslenska í boði!)
- Rödd
- Persónuna/manneskjuna
- Tegund og fas
Rödd
Fyrir íslensku er eingöngu ein rödd í boði fyrir karla og önnur fyrir konur, það þarf því ekki að velta þessu mikið fyrir sér.
Persóna
Er hægt að kalla þetta manneskju? Jú vissulega eru þetta alvöru leikarar, en orðin sem þau bera fram eru ekki þeirra og raddirnar ekki heldur. Þetta er því einhvers konar blendingur, en í öllu falli má velja andlitið.
Tegund kynningar
Hægt er að velja á milli formlegs klæðnaðar og breyta fasinu lítillega, fá auknar handahreyfingar og fleira í þeim dúr.
Útkoman
Niðurstöðurnar komu okkur nokkuð á óvart, því jafnvel þótt texti væri stundum klúðurslegur kom íslenskan vel út í framburði og ekki langt í land. Það sem við helst tókum eftir:
- Íslenskt málfar er ekki fullkomið í auglýsingunum (við breyttum engu!). Hægt er að stilla til textann handvirkt.
- Framburður er mjög góður og orðin passa ágætlega við varahreyfingar.
- Lífleg og skemmtileg framsetning með áherslum á markaðsskilaboð (benefits) umfram tækni (features).
Þótt þessi tilraun og þetta fikt hafi fyrst og fremst verið til gamans má geta sér þess til að í náinni framtíð muni þessi tækni halda áfram að hreyfast í rétta átt og að ekki verði langt þangað til nýta megi þetta í alvöru, ef svo má að orði kveða.
Sérhönnun fyrir ólíkar skjástærðir tryggir sem besta upplifun í öllum skjástærðum og því glansar vefurinn jafnt á litlum sem stórum skjá með Stefna Flex.
Með beintengingu við myndabankann Pexels getur þú leitað eftir og dregið myndir inn í hönnunina á fljótlegan hátt.
Í stafrænni vegferð reiðum við okkur í auknum mæli á tækni og stafvæðingu ferla til að veita öfluga og skilvirka þjónustu. Stafvæðing er í raun breyting á aðgengi fólks að þjónustu og vörum:
