Vefstjórn

Góð vefstjórn er stöðugt ferli sem tryggir að vefsvæðið þitt:

• mæti þörfum notenda
• styðji við markmið hagsmunaaðila
• lágmarki óþarfa vinnu og viðhald. 

Við kennum hvernig má halda vinnustofur til að sameina sýn hagsmunaðila á þarfir notenda og skýra ferlin sem þeir fara í gegnum til að uppfylla þær. 

Við aðstoðum við að fara í gegnum allt efni og flokkun í leiðakerfi til að tryggja að allt sé uppfært, virki sem skyldi og sé í samræmi við vörumerkið þitt.

Þarfir notenda

Mikilvægt er að skilgreina notendaþarfir.

• Hver er markhópurinn þinn?
• Hverju eru þeir að leita að?
• Hvaða vandamál ertu að leysa fyrir þá? 

Með því að setja þig í spor notenda geturðu tryggt að vefsíðan þín sé hönnuð og uppbyggð á þann hátt að hún mæti þeirra þörfum á skilvirkan hátt. Þetta getur falið í sér notendarannsóknir, viðtöl, greiningu á heimsóknatölfræði og vinnustofur með starfsfólki í framlínu. Aðgengi í öndvegi: Kíktu á pistilinn.

Efnishönnun

Með því að þekkja notendahópana og þarfirnar getum við hannað efni sem fólk skilur og getur nýtt sér. Efnishönnun kjarnar helstu aðgerðir notenda á vefnum og hjálpar fólki að greiða sem mest úr sínum málum sjálft. 

Góð efnishönnun felur í sér:

• Texti sé skýr, auðlesinn og skipulagður á þann hátt að notendur finni fljótt það sem þeir eru að leita að.
• Það skiptir máli hvernig upplýsingum er raðað, hvort fyrirsagnir séu skýrar, hvort málsgreinar séu hæfilega langar og hvort notast sé við punktalista eða töflur þar sem það á við.
• Markmiðið er að notandinn nái markmiðum sínum á vefnum án hindrana.

Markviss samskipti

Heildræn nálgun í samskiptum við notendur bætir upplifun og styður við vörumerkið. 

Við skoðum hvernig ykkar samskipti við notendur virka – frá bréfum til sjálfvirkra póstsvara. Þarna liggja oft tækifæri sem enginn sér.

Við förum yfir efnið sem þið sendið notendum og tryggjum að skilaboðin séu skýr, mannleg og aðgengileg – án þess að fórna fagmennsku.