Stefna var meðal þeirra fyrirtækja sem tóku þátt í vinnu við uppsetningu á nýjum vef fyrir Ísland.is. Verkefnið hófst vorið 2020 og markmið þess er að gera þjónustu hins opinbera aðgengilega á einum stað, Ísland.is, óháð því hvaða stofnun veitir hana.
Meðal verkefna teymisins frá Stefnu voru efnismálin á vefnum. Teymið sá hvort tveggja um mótun efnisstefnu Ísland.is, efnishönnun í samhengi við hana og tæknileg atriði tengd birtingu í framenda og leitarvél vefsins.
Vefurinn fór í loftið haustið 2020 og í síðan þá hefur starfsfólk Stefnu aðstoðað stofnanir hins opinbera við að flytja yfir á Ísland.is.
Innleiðing stofnana
Í dag eru 20 stofnanir komnar alfarið inn á Ísland.is en voru áður með sér vef. Um 10 stofnanir eru í miðju innleiðingarferli og fleiri bíða þess að hefjast handa. Segja má að Stefna hafi komið að efnishönnun og ráðgjöf hjá öllum þessum stofnunum með góðum árangri.
Áfram er mikill kraftur í þessari vinnu og hefur Íslands-teymið okkar stækkað á undanförnum mánuðum og inniheldur forritara, hönnuði og efnishönnuði. Dagleg verkefni teymisins eru meðal annars viðtöl við almenning, vinnustofur með starfsfólki stofnana, efnishönnun, prófanir og rýnifundir.
Notandamiðuð aðferðafræði er grunnur að allri vinnu við vefinn og aðgengismál í forgangi, hvort sem það tengist efnishönnun, hönnunarkerfi Ísland.is eða forritun.
Sannarlega spennandi verkefni sem við erum stolt af. Ef þú vilt vita meira um efnishönnun og þá þekkingu og reynslu sem starfsfólk Stefnu hefur öðlast á síðastliðnum 3 árum í þessu verkefni þá er vert að skoða pistilinn Hvað er efnishönnun?
Sérhönnun fyrir ólíkar skjástærðir tryggir sem besta upplifun í öllum skjástærðum og því glansar vefurinn jafnt á litlum sem stórum skjá með Stefna Flex.
Með beintengingu við myndabankann Pexels getur þú leitað eftir og dregið myndir inn í hönnunina á fljótlegan hátt.
Í stafrænni vegferð reiðum við okkur í auknum mæli á tækni og stafvæðingu ferla til að veita öfluga og skilvirka þjónustu. Stafvæðing er í raun breyting á aðgengi fólks að þjónustu og vörum:
