Fara í efni
Til baka í yfirlit

Erfitt að fylgjast nógu vel með

Við vildum fá skýrari mynd af starfi vefstjóra, óskum þeirra og áskorunum og sendum því út könnun í lok síðasta árs.

Við spurðum vefstjóra í viðskiptamannahópi Stefnu og á vefstjóra í tengslanetinu. Einnig var slóð á könnunina sett í Facebook-hópa fyrir fólk sem sinnir vefmálum. 

Meðal svarenda voru vefstjórar hjá stórum sem smáum fyrirtækjum og stofnunum í fjölbreyttri starfsemi.

 

109 svör voru send inn.

Könnunin var opin en mælst var til þess að svarendur væru vefstjórar eða kæmu að þróun vefs á sínum vinnustað. Hér má sjá helstu niðurstöður. Svör eru námunduð upp eða niður að næsta heila prósenti.

 

97% Nei, ég sinni öðrum verkefnum líka.

3% Já

Svör: 108

Hver eru svo verkefnin?

Hér mátti merkja við fleiri en einn möguleika.

  • 52% svarenda sinna líka samfélagsmiðlum
  • 50% markaðsmálum
  • 58% skrifstofustörfum
  • 33% tækniaðstoð til annarra starfsmanna
  • 26% sinna gerð ársskýrslu

Þátttakendur gátu sett inn útskýringar. Þær eru til dæmis:

„flest annað en vefstjórn“

„skjalastjórn og upplýsingamál“

„í raun er vefstjórastarfið aukastarf með öðru starfi“

„bókhald“

51% 

litlu fyrirtæki eða stofnun með færri en 50 starfsmenn.

29% 

hjá miðlungs stóru fyrirtæki eða stofnun með 50–250 starfsmenn

15% 

hjá stóru fyrirtæki eða stofnun með fleiri en 250 starfsmenn.

Önnur svör voru meðal annars: einyrki, sveitarfélag.

Svör: 108

50% 

Skýrt 

42% 

Nokkuð skýrt 

8% 

Nei, það lendir á hinum og þessum að uppfæra hann

Svör: 109

38% já, að mestu

26% Hvorki né

9% Yfirleitt ekki

Svör: 108

Þegar ég hóf störf lá fyrir starfslýsing vefstjóra.

69% Nei

22% Já

9% Á ekki við

Svör: 108

3% vefstjóra sinna vefnum eingöngu.

Niðurstöðurnar sýna að vefstjórar á Íslandi í dag sinna fjölmörgum öðrum verkefnum meðfram vefstjórninni. 

Reyndar geta langfæstir vefstjórar einbeitt sér að vefnum eingöngu. Svarendur nefndu skjalastjórn, upplýsingamál, bókhald og jafnvel „flest annað en vefstjórn“ sem starfsskyldur sínar. 

Það má setja einn fyrirvara við þessar niðurstöður. Flestir sem svöruðu starfa hjá litlu fyrirtæki eða stofnun með færri en 50 starfsmenn. 

Líklega er meiri tíma og athygli veitt í vefi hjá stærri fyrirtækjum. 

56% finnst tímaskortur það erfiðasta við starfið

Það er til mikils að vinna fyrir starfsemi að veita vefnum meiri athygli. Vinna við rafræna þróun þarf að taka mið af þörfum fólks og öryggi upplýsinga, svo dæmi séu tekin. 

Ef fólkið sem á að sinna vefnum eiga að búa yfir sérþekkingu gæti þurft að efla þau í starfi. 

Góð ráð til að skapa vefvænna starfsumhverfi

Það sem kostar tíma:

  1. Gefið vefstjóra vettvang á innri vef til að segja frá vefþróuninni eða til að biðja um aðstoð og upplýsingar. 
  2. Notið reglulega upplýsingafundi til að setja vefinn á dagskrá.
  3. Óskið eftir hugmyndum frá starfsfólki um þróun vefsins. 

Það sem kostar peninga:

  1. Leggið tíma og pening í vefinn og samþættingu kerfa - annars er hætt við því að fyrirtækið komist í það sem kallað er tækniskuld. Það kostar einfaldlega meira síðar.
  2. Spyrjum fólkið sem sinnir vefnum hvers sé þörf. Þurfa þau meiri tíma? Endurmenntun? Aðgang að fagfélagi og fyrirlestrum? Vefstjórar eru oft einir með verkefnið og það er ómetanlegt að komast í tengsl við aðra vefstjóra.
  3. Fá utanaðkomandi aðstoð í lengri eða skemmri tíma, til að komast í gegnum skaflana, til dæmis hjá Stefnu.
  4. Setjið erindi frá fagfólki í rafrænni þjónustu og tækni inn í fræðsludagskrá starfseminnar.

Með rúmlega 100 svör má segja að könnunin sé ekki umfangsmikil. Þrátt fyrir það gefur hún ágæta vísbendingu um starfsumhverfi vefstjóra enda var reynt að leita fanga í fjölbreyttri atvinnustarfsemi.

Til að sjá niðurstöðurnar í heild sinni, sendið Guðbjörgu Guðmundsdóttur tölvupóst: gudbjorg@stefna.is en hún hafði umsjón með könnuninni.