Veggjald.is
Gjaldtaka fyrir notkun Vaðlaheiðargangna.
Markmið veggjald.is er innheimta veggjalda fyrir Vaðlaheiðargöng. Vefurinn hefur það sem meginmarkmið að auðvelda almenningi og öðrum notendum að skilja verðskrána, skrá ökutæki, greiðslukort og framkvæma kaup á stökum ferðum eða afsláttarferðum, eftir því sem hentar hverjum og einum.
Strax í upphafi var tekin ákvörðun um að ekki yrði mönnun við munna gangnanna á sama hátt og við Hvalfjarðargöng. Því var leitað leiða til að nýta sams konar tækni og sett hefur verið upp víða annars staðar í heiminum til gjaldtöku fyrir notkun jarðgangna.
Vefurinn er viðmót á viðamikið kerfi sem fær bílnúmeragögn úr myndavélum við og inni í gögnunum, sem er grunnur að gjaldtökunni. Notendur geta greitt fyrir notkun með stkum ferðum, en skýrir valkostir eru til að lækka gjald á hverja ferð með kaupum á afsláttarferðum.
Vefurinn er hannaður með skýra leið fyrir notendur að fara í nýskráningu, greiðsla stakra ferða eða innskráningu. Sérstök áhersla er lögð á framsetningu gjaldskrár og voru notendaprófanir framkvæmdar á ýmsum stigum verkefnisins, jafnt í appi, tölvu og á farsímavef.
Ný nálgun í þessu verkefni krefst þess að viðmótið skýri vel út nálgunina á gjaldtöku fyrir notendum, aðgengi að nýskráningu þarf að vera snuðrulaus og notendaviðmót fumlaust í meðförum jafnt í farsíma sem á tölvu. Einnig má gera ráð fyrir að notendahópur sé á ýmsum aldri, því göngin eru hluti af þjóðvegi 1 og því notendahópurinn í raun öll þjóðin, auk ferðamanna.
