Icelandair Hotels

Icelandair Hotels er leiðandi fyrirtæki á sviði hótelreksturs á Íslandi.

„Samstarfið við Stefnu hefur allt gengið framar vonum. Stefna hýsir nú alla sjö vefi Icelandair hótela og sá nýverið um að setja upp nýja og viðamikla vefsíðu Icelandair hótela, veitingastaða þeirra og Eddu hótelanna og stóðu Stefnumenn sig sérlega vel í þeirri vinnu.

Við skiptum einnig yfir í Moya vefumsjónarkerfi Stefnu og er kerfið einkar þægilegt og notendavænt. Stefna sýnir fagleg og vönduð vinnubrögð og er þjónustan náin, persónuleg og á mannamáli. Okkur hefur fundist gaman að vinna með Stefnu og það er nánast eins og við séum með þá í húsi hjá okkur, þetta gengur svo vel.“

Erla Sigurlaug Sigurðardóttir
Content coordinator/Ritstjóri
Sales & Marketing/Söludeild

Ferðamálastofa

Ferðamálastofa er fagstofnun atvinnuvega‐  og nýsköpunarráðuneytisins á sviði ferðamála. Meðal hlutverka hennar er að framkvæma markaða ferðamálastefnu og fara með þróunar‐, gæða‐  og skipulagsmál ferðaþjónustunnar. Stofnunin og starfsfólk hennar taka hlutverk sitt alvarlega og hafa unnið ötullega að verkefnum sem ætlað er að styðja við sjálfbæra, faglega og jákvæða þróun atvinnugreinarinnar til framtíðar

„Ég hef langa reynslu af vinnu með ýmsum vefumsjónarkerfum og vefstofum. Þar skiptir mestu þekking og hæfni þess starfsfólks sem maður á viðskipti við. Ég gef starfsfólki Stefnu fyrstu einkunn fyrir afbragðs þjónustu og öguð vinnubrögð.“

Halldór Arinbjarnarson
Upplýsingastjóri

Arctic Heli Skiing

Síðastliðin 14 ár hafa Bergmenn sérhæft sig í fjallaskíðaferðum á Tröllaskaga og nú í dag er svo komið að Tröllaskaginn er orðin heimsþekktur viðkomustaður fjallaskíðafólks víðsvegar að úr heiminum. Bergmenn bjóða uppá skipulagðar þyrluskíðaferðir á Tröllaskaganum þar sem tækifærin til skíðunnar eru ótæmandi með þúsundum brekkna með fallhæð allt að 1500m sem er eins gott og það gerist á heimsvísu.

„Undanfarin 11 ár hefur Stefna haldið utanum og hannað vefi Bergmanna og Arctic Heli Skiing með ótrúlega góðum árangri. Vefir fyrirtækjanna hafa á þeim tíma aldrei legið niðri eða orðið fyrir árásum eða tjóni og þjónustan verið algerlega til fyrirmyndar á sama tíma og verðið hefur verið mjög sanngjarnt.

Aðkoma Stefnu að okkar starfsemi hefur verið lykil þáttur í velgengni okkar rekstrar þar sem að mikill meirihluti okkar tekna kemur beint í gegnum vefi fyrirtækjanna“

Jökull Bergmann
Bergmenn Fjallaleiðsögumenn - Arctic Heli Skiing

Innrivefur stærstu bílaleigu landsins

Höldur ehf var stofnað árið 1974. Í dag rekur Höldur ehf. Bílaleigu Akureyrar, stærstu bílaleigu landsins með um 3500 bíla í rekstri yfir sumartímann og 20 afgreiðslustaði víðsvegar um landið.

„Við leituðum til Stefnu með þá hugmynd að smíða fyrir okkur nýjan samfélagsmiðaðan innrivef og skýr markmið:

Að stytta boðleiðir, bæta upplýsingagjöf og styrkja starfsandann með góðu aðgengi fyrir alla starfsmenn fyrirtækisins - óháð staðsetningu eða endabúnaði.

Nú tæpu ári síðar er nýi innri vefurinn upplýsingaveita sem starfsfólk jafnt sem stjórnendur nota markvisst í sínum daglegu störfum. Þar má til dæmis nálgast rekstrarhandbók og fjölbreittar upplýsingar, ásamt því að senda skilaboð á einstaka starfsmenn eða hópa starfsmanna. Margt fleira skemmtilegt er einnig meðal efnis vefsins svo sem fréttir frá starfsstöðvum, myndir og myndskeið frá viðburðum, afmælisbörn dagsins, leiðir að heilsueflingu, leikir, vinningar og létt vinnustaðagrín sem gerir vinnuna skemmtilegri og er til þess fallið að þjappa okkar frábæra hópi starfsfólks enn betur saman.“

Vilhelm Þorri Vilhelmsson
Auglýsinga- og vefstjóri Hölds

Akureyri Backpackers

Akureyri Backpackers er hostel eða gistiheimili með áherslu á hagkvæma gistingu og líflegt umhverfi. Ef þú ert að leita þér af vinalegri og hagkvæmri gistingu í hjarta Akureyrar þá mælum við með að þú kannir Akureyri Backpackers.

Stefna hefur frá upphafi okkar samstarfs staðið undir væntingum. Markmiðið var að hafa vefinn tímalausann enda lítill tími til stanslausra uppfærslna. Ég held að þetta hafi tekist mjög vel og að vefurinn sé aðgengilegur og skili sínu hlutverki vel.

Það sem skiptir jafnframt miklu máli er sú hjálp sem ég fæ í þjónustuverinu en þar er starfsfólkið lipurt og gefur sér tíma til að leysa úr þeim vandamálum eða spurningum sem upp koma.

Geir Gíslason
Eigandi Akureyri Backpackers

Líkar þér við það sem þú sérð?
Hafðu samband