Félög og samtök

„Mikil áhersla var lögð á að nýr vefur BSRB væri stílhreinn og fallegur og gera fólki auðvelt að finna upplýsingar um bandalagið og aðildarfélög þess. Við vorum mjög ánægð með samstarfið með Stefnu. Öll samskipti voru fagleg og brugðist hratt og örugglega við athugasemdum. Lausnir sem þurfti að sérhanna eru einfaldar en skila sínu vel.

Allar áætlanir stóðust upp á tíu, bæði með tíma og kostnað. Það var afar ánægjulegt að vinna að nýja vefnum með vefhönnuðum Stefnu og við hlökkum til samstarfsins um rekstur hans næstu árin.“ 

Brjánn Jónasson
Kynningarfulltrúi BSRB

„Síðan velvirk.is fór í loftið í desember 2018 en hún er hluti af forvarnarverkefni VIRK. Síðunni er ætlað að veita einstaklingum og stjórnendum upplýsingar um jafnvægi og vellíðan í einkalífi og starfi. Hvíta húsið sá um hönnun og ákveðið var að leita til Stefnu vegna fyrri reynslu af þjónustunni og kerfinu. Samstarf hefur gengið mjög vel og tímaáætlanir hafa staðist. Moya kerfið hentar vel fyrir þetta verkefni, það er þægilegt í notkun og auðvelt að bæta við efni.“

María Ammendrup, sérfræðingur

Landssamtök lífeyrissjóða höfðu í nokkurn tíma haldið úti fjórum vefsíðum sem gerði allt kynningarstarf óþarflega þungt í vöfum. Þetta voru vefsíða samtakanna sjálfra, vefsíðan Gott að vita, þar sem finna mátti svör við helstu spurningum fólks um lífeyrismál, vefsíðan Lífeyrisgáttin þar sem hægt er að kalla fram heildaryfirlit yfir réttindi í lífeyrissjóðum og vefsíðan Vefflugan sem hýsti rafrænt fréttabréf sem samtökin gáfu út um nokkurt skeið.

Stefna kom, sá og sigraði

Þegar ákvörðun var tekin um að reyna að einfalda upplýsingagjöfina leituðum við eftir samstarfi við nokkra aðila og völdum Stefnu, aðallega vegna hagstæðs verðs en einnig vegna þess hversu „heimilisleg“ þau virkuðu og opin fyrir nýjungum og tenging þeirra við landsbyggðina skipti líka máli. Það koma á daginn að við völdum vel. Allt samstarfið við Stefnu hefur verið til fyrirmyndar og þar á bæ eru vandamálin til að leysa þau. Ekkert vandamál er of stórt, sama hvar borið er niður, hvort sem er í High Charts fyrir línurit og hagtölur eðaMail Chimp fyrir fréttabréf. Málin eru einfaldlega leyst. 

Við erum mjög stolt af nýju síðunni okkar Lífeyrismál.is og það er gott að vita til þess að hér eru allir tilbúnir til að leggja sitt af mörkum til að gera lífeyrismál eins aðgengileg almenningi og kostur er.

Rakel Fleckenstein Björnsdóttir
Verkefnastjóri

„Vatnajökulsþjóðgarður endurnýjaði vefsíðu sína árið 2017. Vefur og vefumsjónarkerfi frá Stefnu varð fyrir valinu því tilboð fyrirtækisins var hagstætt, kröfur um öryggi, aðgengi og annað þess háttar voru uppfylltar og síðast en ekki síst fengum við mjög jákvæðar umsagnir aðila sem við þekkjum og treystum og eru einnig í viðskiptum við Stefnu.

Moya vefumsjónarkerfið hefur staðist allar væntingar okkar. Notendaviðmótið er sérstaklega einfalt og þægilegt, en um leið býður vefumsjónarkerfið upp á ýmsa möguleika sem ekki voru til staðar í því kerfi sem við notuðum áður. Þetta þægilega viðmót endurspeglast svo í starfsmönnum Stefnu; þeir eru alltaf til þjónustu reiðubúnir þegar við þurfum á þeim að halda og þeir sýna líka frumkvæði sem hjálpar okkur að vera í takt við tímann. Við hikum því ekki við að mæla með Stefnu við þá sem vilja vera með góðan og aðgengilegan vef.“

Þórður H. Ólafsson
Framkvæmdastjóri

„Ég hef hvergi fengið betri þjónustu hjá hugbúnaðaraðila en ég hef fengið hjá Stefnu. Það er allt leyst um leið og maður hefur samband sem skiptir mig mjög miklu máli.

Það er mín upplifun að strákarnir í Stefnu standi við það sem þeir segja og fari ekki fram úr áætlunum. Auk þess finnst mér líka skipta máli að ég hef nánast aldrei þurft að gera athugasemdir við reikninga vegna auka vinnu – tímaskriftir eru sanngjarnar og réttar."

Vigdís Jónsdóttir,
Framkvæmdastjóri VIRK

„Markmið okkar að búa til nýjan, snjallan, einfaldan og aðgengilegan vef fyrir ÖBÍ hefur tekist alveg ljómandi vel með Stefnu. Þjónustan var í alla staði frábær, starfsfólkið liðlegt og hjálplegt og tók vel í að útfæra ýmsar nýjar hugmyndir sem við komum með í ferlinu.

Það var ekki til neitt sem hét vandamál, bara lausnir. Við erum afskaplega ánægð með samstarf okkar við Stefnu og hlökkum til að vinna áfram með þeim í framtíðinni.“

Margrét Rósa Jochumsdóttir