Við sameiningu sveitarfélaga 2004 varð Fljótsdalshérað til, víðfeðmasta sveitarfélag landsins, sem er um 8.884 ferkílómetrar að flatarmáli. Fjölbreytileiki svæðisins er mikill, allt frá sjó og inn til jökla. Frá svörtum Héraðssöndum um skógi vaxið Mið-Héraðið og allt inn til Vesturöræfanna þar sem Vatnajökull og Kverkfjöll taka síðan við í allri sinni dýrð.
Vefur Fljótsdalshéraðs skartar fjölmörgum einingum sem henta vel til öflugrar upplýsingagjafar fyrir íbúa, fyrirtæki og gesti þess. Þar má nálgast upptökur af bæjarstjórnarfundum og kynna sér þjónustu sveitarfélagsins. Öflug fréttaveita er á vefnum og að auki yfirlit viðburða, veðurgátt og að auki geta notendur sagt álit sitt á hverri síðu.
Í upptöku af 239. fundi bæjarstjórnar 1. júní 2016 má sjá þegar vefurinn var opnaður (krefst Microsoft Silverlight). Að auki höfum við sett upp vefinn VisitEgilsstaðir.is sem er sérstaklega ætlaður ferðalöngum, þá höfum við sett upp nokkra vefi fyrir skóla á svæðinu og samstarfið því á gömlum grunni þótt vefur sveitarfélagsins sé nýjasta afurð þess.
